في مول مصر، عيد "الهلع" السنة دي هيبقى هايل. كل عناصر الرعب في اليوم ده من حلويات وزينة وعروض وألعاب وأزياء وجوايز هتلاقوها متجمعة في المول عشان الكل، كبير وصغير هيستمتع بيها.
الإحتفال هيبدأ من نص شهر أكتوبر لحد أخره.
:و دي الحاجات اللي هتبقى موجودة
أكشاك الهدايا
هتلاقوا تشكيلة كبيرة من الأكشاك اللي ممكن تشتروا منها الحلويات، واللعب والإكسسوارات، والملابس المرعبة.
الميعاد: من يوم 12 ليوم 31 أكتوبر.
المكان: عند منطقة سكي مصر.
حلويات ولا .......؟
خلوا أطفالكوا يطلعوا أحسن ما عندهم في لبسهم المرعب وهم بيفزعوا الناس في المول مقابل الحلويات.
أول 300 طفل هيدخلوا المول بهدوم مرعبة هياخدوا شنطة كبيرة مليانة حلويات. كمان الأطفال هيقدروا يلفوا في المول ويملوا شنطهم بالحلويات اللي بيحبوها من أي محل معلق ورد مرعب عالباب.
الميعاد: من 12 ليوم 31 أكتوبر
المكان: بداخل المول.
منطقة ألعاب للأطفال
شوفوا أطفالكوا وهما بيتحولوا لوحوش مرعبة وهما بيزينوا قرع العسل ويطيروا زي الساحرة الشريرة ويرموا تعويذة مرعبة على المكان كله.
الأطفال ممكن يزينوا نفسهم بالمكياج والإكسسوارات المخيفة عشان يبقوا وحوش مرعبة بجد. وممكن يتعلموا إزاي يزينوا قرع العسل المعمول من الفوم عشان ياخدوه معاهم البيت و يرعبوا الجيران.
وعشان مفيش حد بيشبع من الحلويات، خدوا أطفالكوا لـ”Cast a Spell” عشان يجمّعوا نقط أكتر لما يرموا الحلقان جوه طاقية الساحرة الشريرة ويكسبوا حلويات!
ماتنسوش تاخدوا معاكوا تذكار لليوم ده وصورة لأطفالكوا وهم طايرين في الهوا في مكان تصوير الساحرات الشريرات.
الميعاد: من 18 ليوم 31 أكتوبر.
نهاية الأسبوع: من 1 الظهر لحد 12 بليل.
أيام الأسبوع: من 3 العصر لحد 10 بليل.
المكان: عند منطقة سكي مصر.
النفق المستحيل
مستحيل تيجي ومتروحش النفق المستحيل!
بس خد بالك من اللي هيحصل وأنت ماشي جوه، مش هنتكلم كتير عشان منحرقش حاجة.
الميعاد: من 19 ليوم 31 أكتوبر.
نهاية الأسبوع: من 1 الظهر لحد 12 بليل.
أيام الأسبوع: من 3 العصر لحد 10 بليل.
المكان: عند منطقة سكي مصر في الدور التاني.
عرض حي ل"فندق ترانسيلفينيا"
لأول مرة في مصر، عرض حي مبني على فيلم الرسوم المتحركة الكوميدي "فندق ترانسيلفينيا". فرصة علشان أطفالكوا يقابلوا شخصياتهم اللي بيحبوها ويختموا اليوم المرعب ده بحاجة مش هينسوها.
الميعاد: من 26 لحد 31 أكتوبر.
المكان: عند منطقة الڤالي.
