استقبلي الشهر الفضيل مع مختاراتنا ونصائحنا لتتألقي أمام ضيوفك.

مختارات من الأزياء والديكورات لشهر رمضان الحالي

مع اقتراب حلول شهر رمضان الكريم، اخترنا لك هذه المجموعة من تصميمات الموسم الجديد لأناقة خلابة عند لقاء الأهل والأحبة خلال وجبتي الإفطار والسحور والأجواء الروحانية في هذا الشهر الفضيل.

جامبسوت أحمر قاني (غامق)، من رولاند موريت في بوتيك 1 بمول الإمارات

تفردي بإطلالة أنيقة مع هذا الجامبسوت باللون الأحمر الغامق الرائع من رولاند موريت، حيث إن تصميمه المميز سيكون مثالياً لارتدائه تحت العباءة.

تنورة بثنيات، من زارا دبي ومصر في مول الإمارات ومول مصر

تزدان هذه التنورة بتطريزات براقة وستكون خياراً مناسباً لمعظم المناسبات التي تقام في شهر رمضان الكريم.

حقيبة يد صغيرة )كلتش(، من كارن ميلن في مول الإمارات

حقيبة يد صغيرة براقة ستضفي رونقاً إلى إطلالتك في أية أمسية رائعة.


استقبلي شهر رمضان بحفاوة في منزلك


ستعمل هذه القطع على إضافة جمال ورونق إلى منزلك خلال شهر رمضان الكريم.

مصابيح من المعدن، من هوم سنتر في مول الإمارات ومول مصر

أضفي أجواءً فريدة إلى منزلك مع بعض الورود والمصابيح ذات الإنارة الرائعة، حيث يقدم متجر هوم سنتر في مول الإمارات ومول مصر العديد من معدات ومستلزمات المنزل وبأسعار مناسبة.

نصيحة: تجنبي وضع المزهريات الكبيرة على الطاولة في وسط الغرفة، إذ قد تسبب انزعاج ضيوفك أثناء تبادل أطراف الحديث، واستبدليها بإكسسوارات أو قطع صغيرة تضفي رونقاً إلى منزلك وستمنح ضيوفك الراحة التي ينشدونها.

فنجان وصحن، من زارا هوم في مول الإمارات ومول مصر

هذا الفنجان مخروطي الشكل وصحنه الخاص سيكون لمستك الخاصة عند تقديم الشاي أو القهوة بعد تناول وجبة الإفطار.

شمعة منزلية برائحة الورد والعود، من جو مالون في مول الإمارات

لمنزل يفوح برائحة عطرة نديّة، بادري إلى استخدام هذه الشمعة برائحة الورد والعود من جو مالون.

أكتوبر شهر بيحب الراحة والاستجمام. سواء كان الجو برد أو غريب ومرعب بسبب الهالويين، تقدروا تِقضوا على كآبة الخريف بطعم يحرك كل الحواس مع بهارات قرع العسل.

في الأول كان إسمها بهارات فطيرة قرع العسل لأن كان الهدف إنه يتعمل بيها فطيرة قرع العسل. بس دلوقتي، ممكن تستخدموها في معظم الحاجات اللي في البيت، في الشمع عشان تدي ريحة حلوة، و مع الأكل الحادق وكتير من الحلويات!

الغريب في الموضوع إن "بهارات قرع العسل" هي عبارة عن خليط من بهارات كتير مع بعض بس القرع مش من ضمنهم. وإسمها بقى كده علشان كل المكونات دي بتستخدم دايما مع عمل قرع العسل.


و دي طريقة عملها:

•    3 معالق قرفة مطحونة
•    معلقتين جنزبيل مطحون
•    معلقتين جوزة الطيب مطحونة
•    معلقة ونص خليط بهارات مطحون
•    معلقة ونص قرنفل مطحون



حطوا كل المكونات مع بعض في طحّانة القهوة، فضّوا الخليط في برطمان صغير وخلص الموضوع على كده.
الخليط ممكن يفضل فريش من سنتين لثلاث سنين لو أتُحفظ بشكل كويس.

خلاص عملتوا الخلطة؟ تقدروا تستخدموها مع كل حاجة تقريباً، اللاتيه، الزبدة، الزبادي المثلج أو الفطير، الخلطة دي مش هتقول لأ مع أي حاجة.

إحساس القرفة الدافي مع حدة طعم الجنزبيل وقوة جوزة الطيب وحلاوة القرنفل وريحة مزيج البهارات، كل ده مع بعضه بيخلي بهارات قرع العسل إختيار ينطّق أي وصفة.

وصفة سريعة عشان تعملوا لاتيه ببهارات قرع العسل:

•    كباية لبن
•    معلقتين قرع عسل مهروس
•    معلقة سكر
•    معلقة ونص بهارات قرع العسل، و شوية كمان عشان يترشّوا على الوش
•    ربع معلقة خلاصة فانيليا
•    ربع كباية إسبريسو سخن أو قهوة محوجة
•    كريمة مخفوقة مسكرة للتقديم


الخطوة الأولى

إخلطوا اللبن مع قرع العسل المهروس وبهاراته مع الفانيليا في وعاء ينفع يدخل المايكروويف. غطّوا الوعاء بالبلاستيك وسيبوا فتحة صغيرة فيه عشان كل بخار المياه يخرج من الخليط. حطّوها في المايكروييف لمدة دقيقتين.

الخطوة الثانية

طلّعوا الخليط و إخفقوا اللبن بقوة لمدة 30 ثانية لحد ما الخليط يمسك نفسه. صبّوا الإسبريسو أو القهوة في الكباية وحطّوا عليها اللبن المخفوق.

الخطوة الثالثة

زينّوا المشروب بالكريمة وعليها رشة من بهارات قرع العسل.

هتستخدموا بهارات قرع العسل مع إيه تاني؟

مين قال إن النقنقة هتقف ما بينك وما بين هدفك إنك تبقي صحية ورشيقة؟ ده بالعكس تماماً، تناولك للوجبات الصغيرة دي على مدار اليوم هي اللي هتديكي طاقة لليوم، وكمان هتسرع معدل الحرق عندك وتعود معدتك على الأكل بكميات أقل على المدى البعيد. بس قبل ما تفتكري إن دي رخصة للأكل اللامتناهي خلينا نقوللك على وصفات سريعة وخفيفة وصحية، وكمان لذيذة وبسعرات حرارية قليلة.


سلطة الـ"كابريزي" الإغريقية مع لمسة شرقية

المقادير:

-- شرائح طماطم
-- ريحان مجفف
-- توابل مجففة (لو حبيتي)
-- ملح البحر وفلفل
-- جبنة بيضة (أو موتزاريلا لو عايزة طعم مش حادق أوي)
-- خل بلسمي
-- زيت زيتون
-- دبس الرمان

الوصفة دي بقى مزيج منعش من سلطة الـ"كابريزي" الإغريقية مع الجبنة المصرية بالطماطم ولمسة لبنانية بدبس الرمان. قطعي شرائح من الطماطم وحطي قطع من الجبنة براحتك، على حسب اللي نفسك فيه.

رشي بلمستك الشرقية الحلوة شوية ريحان، وتوابل، وملح وفلفل. بس لو نفسك تبقي صحية أكتر حاولي تعودي نفسك على الوصفة من غير الملح، واللي هيسهللك كدة أكتر من ناحية الطعم هما حبة الخل البلسمي اللي هتزوديهم على السلطة مع دبس الرمان وزيت الزيتون.

وصفة بسيطة وسهلة التحضير مش هتاخد في إيدك خمس دقايق!

لو نفسك في حاجة حلوة وصغيرة ومتاخدش أي مساحة في شنطتك وانتي بتخلصي مشوايرك حلك عندنا في المكسرات المغطاه بالعسل. ناس كتير أوي مبتقدرش الفوائد اللي موجودة في المكسرات مع إنها مليانة أوميجا-٣ وفيتامين E، إحنا بقى جبنالك وصفة بتوفرلك القيمة الغذائية دي، وعنصر الحلاوة اللي فيها من العسل هيخليكي تبعدي عن البدائل المسكرة الغير صحية.


المكسرات المغطاه بالعسل

المقادير:

-- كبشة مكسرات من غير نكهة (لوز، وكاجو، وعين جمل)
-- معلقة عسل كبيرة
-- سكر فانيليا

في طبق غويط، اخلطي العسل كويس مع سكر الفانيليا. العسل ده بيساعد على تعديل مستوى السكر في الدم وبيساهم في نمو البكتيريا المفيدة لجسمك، وكمان بديل مثالي للسكر.

حطي المكسرات وقلبيها لحد ما تتغطى كلها بالعسل. ولو نفسك في حاجة منعشة تكسر الحلاوة اللي في المكسرات ممكن تزودي مشمش مجفف أو توت بري،  وبعدين سيبي كل ده في التلاجة لمدة ساعة على الأقل. حاولي متزوديش العسل أوي عشان تحافظي على كمية معقولة من السعرات الحرارية. وبعد ما تخلصي بقى حطي كل ده في برطمان صغير على ذوقك ومعاه معلقة وانطلقي للعالم الخارجي وانتي مأمنة نفسك من أي جوع.




مضايقاكي الوصفات دي ونفسك في حاجة أتقل شوية وحلوة بس برضو صحية؟ يبقى أكيد الوصفة الجاية دي هتعجبك عشان هي عبارة عن بسكويت التفاح بزبدة الفول السوداني بس من غير عجينة – أيوة زي ما بنقوللك كدة، من غير الدقيق والسكر والملح كمان. يلا اكتبي معانا.


بسكويت التفاح بزبدة الفول السوداني

المقادير:

-- شرائح تفاح من اختيارك (أحمر أو أخضر)
-- زبدة الفول السوداني
-- قطع الشوكولاتة الداكنة
-- زبيب ومكسرات (اختياري)

جيبي تفاحة أو اتنين وقطعيهم لشرائح مدورة، وادهني مش أكتر من معلقة صغيرة من زبدة الفول السوداني على كل شريحة. بعدين رشي شوية زبيب وقطع الشوكولاتة، ومتنسيش المكسرات كمان لو عايزة، وبس كدة!
الشوكولاتة الداكنة دي هتظبط مزاجك وتعدللك ضغط الدم ومستويات السكر في جسمك.

إيه رأيك في الوجبة دي كبديل للقهوة ليكي على الفطار؟ هتكوني شيلتي الكافيين المضر والملئ بالحوامض بس هتاخدي طاقتك من زبدة الفول السوداني والشوكولاتة الداكنة، والكربوهايدرات المفيدة اللي في التفاح هتغذيكي.

مين قال إن البسكويت استحالة يكون صحي ومفيد؟




بودينج بذور الشيا مع الفاكهة

المقادير:

-- ١/٢ إلى ٣/٤ مقدار من بذور الشيا
-- ٣ أكواب من حليب اللوز
-- ١-٣ معالق كبيرة عسل

الإضافات المقترحة:

-- جرانولا
-- فاكهة طازجة (توت، وشرائح تفاح، وأناناس، وخوخ، وكيوي)
-- رقائق جوز الهند
-- شراب القيقب النقي
-- قرفة
-- مكسرات وبذور

أكلة كمان مش متقدرة كويس هي بذور الشيا مع إنها مليانة أوميجا-٣ وألياف بتديكي طاقة مهولة، ده غير فوائد تانية كتير منها إنها بتحسن حالة بشرتك، وبتساعد قلبك وجهازك الهضمي، وكمان بتقلل علامات التقدم في السن.

قلِّبي معالق العسل في لبن اللوز وزودي بذور الشيا، بعدين حطيهم مع بعض في برطمان وقلبيهم بعد عشر دقايق عشان ميكلكعوش. سيبي البودينج في التلاجة لمدة ٣ ساعات (أو يبقى أحسن لو طول الليل) لحد ما تلاحظي شكله بيتماسك شوية. وأخيراً حطي لمسة منعشة ومسلية من الإضافات زي قطع الفاكهة مثلا وبالهنا والشفا!




عصيان البطاطا المخبوزة

المقادير:

-- ٥ بطاطا متقشرة ومتقطعة
-- زيت زيتون
-- إكليل الجبل (روزماري)

للتتبيل:

-- مقدار ملح البحر
-- ١/٤ كوب فلفل
-- ١/٢ معلقة بابريكا
-- ١/٤ كوب بودرة ثوم

وجبة مثالية مستحيل تزعلي من أكلها وبالعكس دي بديل تحفة للبطاطس المحمرة عشان مفيدة جداً وخفيفة كمان، وتنفع مع غموس الزبادي أو الحمص! بس متنسيش تتبليهم بالملح والـ"روزماري".

افردي ورق زبدة على صينية الفرن، وفي طبق غويط حطي زيت الزيتون والتتبيلة واخلطيهم ببعض. بعدين حطي صوابع البطاطا واتأكدي انهم اتغطوا كويس بالتتبيلة، ووزعيهم بعد كدة على ورق الزبدة واخبزيهم في الفرن لمدة ٢٠ دقيقة لحد ما يبقوا مقرمشين ولونهم ذهبي على بني حلو.

خلاص الربيع وصل وجه الوقت إننا نروّق دولابنا ونرتب حياتنا، والأهم من كل دة إننا نصفي جسمنا من السموم وكل حاجة مضرة.

جسمنا بيمتص سموم ومواد مضرة ومواد زائدة ومواد حفاظة ومنبهات من خلال الأكل أو من خلال البيئة المحيطة بينا، وأجسامنا نفسها بتنتج السموم برضه، زي المخلفات اللي بتنتج من عمليات الحرق والتمثيل الغذائي في الجسم، ودة بيحصل في أي عمليات طبيعية زي الهضم أو التنفس حتى؛ بس ماحدش يقلق عشان الجهاز الهضمي والغدد الصماء والدورة الدموية بيتخلصوا من السموم دي أول بأول.

المشكلة هنا إن جسمنا بيتأثر جدًا من السموم اللي بيتم امتصاصها في الأكل والسكريات والكافيين وبتبقى موجودة مع قلة التمارين الرياضية كمان، ودة اللي بيصعب عملية التخلص منها بشكل طبيعي؛ وهنا بييجي دور عمليات وفترات التخلص من السموم.

مافيش طريقة واحدة بس ينفع يتقال عليها إنها الطريقة الصح للتخلص من السموم، الإنترنت مثلاً عليه طرق مختلفة كتير بأهداف متنوعة، ومدد ممكن تمتد من 3 أيام لحد شهر كامل.

ودة دليل للنقط الأساسية المشتركة بين أغلب برامج التخلص من السموم.

تخلص من الكحول والسجاير والسكريات والدهون المشبعة
دول من أكتر الحاجات غير الصحية المنتشرة واللي بيبقى صعب هضمها وبتأثر جدًا على أنظمة الجسم الحيوية في الوقت اللي بتحاول فيه الأنظمة دي إنها تتخلص من السموم وترجع عمليات الجسم الحيوية لطبيعتها.

اشرب مياه مصفاة
استغل وقت العطش وشرب المياه في إنك تتخلص من السموم اللي في الجسم وتنضف الكبد؛ ضيف ليمون حامض أو توت أو لمون عادي على المياه عشان تحس بانتعاش زيادة وتعلي من نسبة السوائل اللي بتدخل الجسم عشان تعادل الزيادة في الألياف اللي جسمها بيكتسبها من الخضار والفاكهة.

اعرق كتير
روح الساونا وخلي جسمك يخرّج كل السموم اللي فيه، ولو ماعندكش وقت خد حمام سخن مع الملح الإنجليزي واتخلص من المواد الزيادة في جسمك بالعرق.

اعمل تمارين رياضية لمدة ساعة في اليوم
سواءً كانت التمارين دي تمارين "بيلاتيس" ولا يوجا "آشتنجا"، طول ما التمرين فيه عرق وحركة جسمك هيبقى أنشط وأخف ومرتاح أكتر.

تأمل واتنفس
تصفية ذهنك بنفس أهمية تصفية الجسم وتنقيته، التأمل في كل حاجة واستيعابها هيساعد في إنك تخفف من روحك وتنقي قلبك وتخليك تتخطى كل المصاعب اليومية. جرب التنفس بعمق عن طريق إنك تاخد شهيق مدته كام ثانية وتحبسه وبعدين تخرج الزفير في مدة 8 ثواني.

مواد عناية بالجسم فيها تراكيب كيميائية أقل
غير مواد العناية بالجسم المليانة تراكيب كيميائية بمنتجات تانية طبيعية أكتر، استخدم جوز الهند كمعجون سنان مثلاً أو الزيت الطبيعي للشعر بدل الكريمات.

اكتشف طرق أكل متزنة وصحية ووزعها على مدار اليوم
ركز مع الخضار الورقي والفاكهة الصحية والعصاير الطبيعية المضغوطة وكل الأكل اللي بيحتوي على بقوليات والبروتين. أتكلم مع خبير تغذية واكتشفوا طريقة أكل تمشي معاك ومع جسمك.

سيب جسمك يأدي مهامه لوحده
ابعد عن الملينات والأدوية، أعضاء جسمك ممكن تتخلص من السموم كويس لوحدها، البرنامج دة بيساعد إن التخلص من السموم في الجسم يتم من غير ما يتدخل في وظايف الجسم الأساسية.

الخطوات البسيطة مع طريقة تفكير صحية وبرنامج غذائي كويس هيعملوا تغيير ضخم جدًا، ومع الوقت هتقدر تدمج الخطوات والبرنامج دة في حياتك اليومية العادية ويبقى دة روتينك من غير مجهود، وهتقلل من السموم اللي بيمتصها جسمك وتطلق العنان لوظايف جسمك كلها عشان تتم بالشكل الطبيعي والمطلوب. الوقت اللي هتعرف فيه السموم اللي بتدخل جسمك كل يوم وتحاول تتجنبها هو الوقت اللي هتشوف فيه ثمرة مجهودك وشغلك دة كله.